व-हाड दूत न्युज नेटवर्क
बुलडाणा: आई मुलाच्या पवित्र नात्याला काळीमा फासणारी घटना जिल्हयातील पिंपळगाव सराई येथे ५ जूनच्या रात्री घडली. आईवर ४५ वर्षीय मुलाने अत्याचार केल्याचा प्रकार उघडकीस आला आहे. आरोपी मुलाविरुद्ध बलात्काराचा गुन्हा दाखल झाला असून तो सध्या फरार आहे.
बुलडाणा रायपूर पोलिस स्टेशनअंतर्गत येणा-या पिंपळगाव सराई हमाली करणा-या भामट्याने आपल्या ६५ वर्षीय आईवरच अत्याचार केला. पत्नी माहेरी गेली असल्याने आई एकटीच घरी असल्याचा फायदा घेत या नराधमाने हे घृणास्पद कृत्य केले. रविवारी सकाळी आईने रायपूर पोलिस स्टेशन गाठून तक्रार दाखल केली आहे. या घटनेची वार्ता गाव परिसरात पसरल्यानंतर सर्वत्र संताप व्यक्त केला जात आहे.
विशेष म्हणजे या भामट्याला मुलगा, मुलगी असून मुलीचे लग्न सुद्धा झाले आहे. बरेच दिवसापासून तो दारुच्या नशेत पत्नीस व आईस मारहाण करीत असल्याची माहिती पोलिसांनी दिली.
घटनेनंतर आरोपी मुलगा फरार
रात्री दुष्कृत्य केल्यानंतर भामटा फरार झाला आहे. घटनेची माहिती मिळताच उपविभागीय पोलिस अधिकारी रमेश बरकते यांनी तत्काळ आरोपीला ताब्यात घेण्याच्या सुचना ठाणेदारास दिली. मात्र तोपर्यंत तो फरार झाला होता.
